1976 നവംബര്‍ മാസം 21 -ആം തിയ്യതി മേയ്കാട് സെന്റ്‌ മേരിസ് യാക്കോബായ സുറിയാനി പള്ളിയുടെ കീഴില്‍ ഇടവക വികാരി റവ.ഫാ. എല്യാസ് തോംബ്ര, പരിശുദ്ധനായ എല്യാസ് ത്രിതീയന്‍ പാത്രിയര്‍ക്കീസ് ബാവയുടെ നാമത്തില്‍ കുരിശു സ്ഥാപിച്ചു. 17-7-2009ല്‍ അഭിവന്ദ്യ ജോസെഫ് മാര്‍ ഗ്രിഗോറിയോസ് തിരുമേനി പുതിയ ചാപ്പലിന്റെ ഉത്ഘാടനം നിര്‍വഹിച്ചു. പുതിയ ചാപ്പലിന്റെ കൂദാശ 12-11-2000ല്‍ അഭിവന്ദ്യ തോമസ്‌ മാര്‍ ദിവന്നാസിയോസ് തിരുമേനി (ഇപ്പോഴത്തെ ശ്രേഷ്ഠ കത്തോലികാബാവ) നിര്‍വഹിച്ചു. 2007 ഡിസംബര്‍ മാസം മുതല്‍ ശ്രേഷ്ഠ ബാവയുടെ കല്‍പന പ്രകാരം ഞായറാഴ്ചകളിലും മാറാനായ പെരുന്നാളുകളിലും വി.കുര്‍ബാന അര്‍പ്പിച്ചു വരുന്നു. 2007 ജനുവരി മാസം മുതല്‍ ഈ ചാപ്പലിനോടനുബന്ധിച്ചു സണ്‍‌ഡേ സ്കൂള്‍ പ്രവര്‍ത്തനം ആരംഭിച്ചു. ശ്രീ. എ പി ഏല്യാസാണ് ഹെഡ് മാസ്റ്റര്‍.ചാപ്പലിനോടനുബന്ധിച്ചു കുടുംബപ്രാര്‍ഥനാ യൂണിറ്റും , വനിതാ സമാജവും, യൂത്ത് അസ്സോസിയഷനും വളരെ സജീവമായി പ്രവര്‍ത്തിച്ചു വരുന്നു.